Jedes Wort erinnert an ein anderes!
1.
e schprach isch meh aus e schprach
ei schprach sy viu schprache
i jedere schprach schtecken angeri schprache
wo ihrersyts angeri schprachen i ihne schtecke
schprache vrschtecke sech inenang
schprache schtecke sech gägesytig aa
schprache reden aui zäme di glychi schprach
aui schprache zäme sy d schprach
2.
e zungen isch meh aus e zunge
ei zunge sy viu zunge
i jedere zunge schtecken angeri zunge
wo ihrersyts angeri zungen i ihne schtecke
zunge vrschtecke sech inenang
zunge schtecke sech gägesytig aa
zunge reden aui zäme mit dr glyche zunge
aui zunge zäme sy zunge
3.
es land isch meh aus es land
eis land sy viu länder
i jedem land schtecken angeri länder
wo ihrersyts angeri länder i ihne schtecke
länder vrschtecke sech inenang
länder schtecke sech gägesytig aa
länder beschtöh aui zämen us land
aus land zäme sy d länder
