Fakte sy Fakte. U Fake isch Fake. U Fake sy keni Fakte. U Fakte sy ke Fake. U gfakti Fakte sy Fake. U Fake blybt Fake. O we d Fakte-Faker dr Fake zu Fakten erkläre. U d Fakte zum Fake.
We d Fakte-Faker erkläre, Fakte syge scho geng numen e Fake gsi. U ds Fake vo Fakte deck dr Fake vo Fakte numen uuf. Es gäb keni Fakte, nume Fake. U gfakti Fakte syge nid weniger faktisch aus Fakte, wo sech für Fakte hauti.
We sech dr Fake vrbreit wi Fakte, schaff’r Fakte. U de müessi d Fakte gäge d Fakten aaträte. Die Zyte syge vrby, wo me gmeint heig, es gäb Fakten u Fake. Hüt git’s Fakten u Fakte. U de chönn me luege, wär sech meh vrbreit. D Fakten oder Fakte. Öb me meh de Fakte gloub, wo sech für Fakte haute. Oder de Fakte, wo d Fakte für Fake hauti.
Fuck Fake-Fakte. Fakte sy Fakte. U Fake isch Fake. U blybt Fake. U Fakte blybe Fakte.
(Die Aufführung IN FORMATION hat am 17. Dezember in der Schiffbau Box in Zürich Premiere)
